Plantun de Prouvènço

Pèr coumpara dos planto d'encò nostre

Daphne gnidium & Campanula rotundifolia subsp. rotundifolia

Garou

Daphne gnidium

Thymelaeaceae

Àutri noum : Canto-perdris, Bos-d'auriho, Sorbo-galino, Boufo-galino, Erbo-laurino.

Noms en français : Garou, Sain-bois.

Descripcioun :
Lou garou es un aubret que fai de lòngui ramo amarinouso e que trachisson vite. Li fueio soun longo e un pau espèsso (fotò). Fai de flour blanco e de fru roujo un cop madur.

Usanço :
Es uno planto forço empouisounanto, majamen si fru. Sa rusco èro acampado à passa tèms pèr n'en faire de poumado e "sougna" la pèu. Douno de bruladuro gravo, mesfisas-vous pèr lis iue. La doso mourtalo èi d'uno deseno de fru (caup d'eterousido).

Port : Aubret
Taio : 50 à 200 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Daphne
Famiho : Thymelaeaceae

Coulour de la flour : Blanco
Petalo : 4
Ø (o loungour) flour : 6 à 10 mm
Flourido : Printèms - Estiéu - Óutobre

Sòu : Ca
Autour basso e auto : Pancaro entresigna
Aparado : Noun
Remarco :
Mars à óutobre

Liò : Relarg à jòuinis aubret - Garrigo - Colo
Estànci : Termoumediterran à Mesoumediterran
Couroulougi : Mediterranenco-Atlantico
Ref. sc. : Daphne gnidium L., 1753

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.